الثلاثاء، 29 أبريل 2008

النهارده يومنا....يوم مصر كلها

السلام عليكم،،،،،،،،،،،،صباح الخير
إزيك ياحاج وإنتي ياحاجة
إزيك ياأستاذ...وانت يامعلم،
أهلا يادك....عامل إيه؟
أهلا بيك يا...كل دمياطي
ياترى....أخبارك إيه النهارده؟
الحمد لله ياسيدي....وربنا يديم النعمة عليك،

أنا عازمكم كلكم على شوية نشادر وأمونيا بعد شهور من الآن
شكرا!!!!...على إيه؟؟!!....دي عزومة غاصبعنكم....مش بمزاجك ياأخي
كمان أنا معزوم معاكم..................................
بتقول ليه كده!!.....لأ ومش عاجبك!!...وكمان زعلان!!.....
آه..فاكرني...أنا قلت لك...من شهور...وحذرتك من المصنع...بس إنت كبرت دماغك
وآدي هي النتيجة....إشرب بأه وشوف مين هاينفعك.

بتقول تعمل إيه؟ ممتاز هو ده الكلام....مش تقول وأنا مالي....ما الناس بتعمل أهه.
أنا كده مبسوط منك....وريني شطارتك بأة
بتقول ازاي....

أقول لك....
روح شارك الناس كلها في وقفتها النهارده....إجري وبلاش كسل.
وخليك شاطر وماتتنرفزش.....خليك جدع.....إياك تسب أوتكسر....دي بلادنا كلنا.
بص...خد معاك كل حبايبك كمان.....وأي حد تقابله في الشارع.
لازم الأسياد يسمعوا صوتك...حاكم صوتك بيرعبهم....
لو سمعوه...المصنع مش هيتبني
ومصر كلها هتفخر بيك......وكل الناس هتعرف إزاي تاخد حقها....

كل ده هيكون بفضلك
مش عايز أعطلك أكتر من كده......

ياللا توكل على الله

هناك تعليقان (2):

كلبوزة لكن سمباتيك يقول...

حقولك اية
ربنا معاكم و يكفيكم شر المستخبي و الامونيا و اللي بيجي منها
ربنا يكفيكم شر السكتة القلبية، وجلطات شرايين الرئة، واختلال المخ، والعمى

ربنا يكرم و تصحى الحكومة

تحياتي

بنت الصالحين يقول...

هو ايه ده

تصدق انا اول مره اسمع الكلام ده


سبحان الله
دلوقتي التعتيم وصل للدرجه دي

يعني دلوقتي نعرف الاخبار السودا والمهببه من اخواتنا المدونين كله حسب موقعه

ربنا يرحمنا برحمته

وانا معاك مع وقف انشاء المصنع

ولو فيه بانر هحطه

ولو مافيش هعمله انا