القصيدة
القصيدة الدمياطية في الفاجعة البيئية
شعر: سميرالفيل
(الحمـــــد لله الذي أذهــــب عنا الــــحزنوالناس الطيـــــــبين ، لموا لي حق الكفن)
شعر: سميرالفيل
(الحمـــــد لله الذي أذهــــب عنا الــــحزنوالناس الطيـــــــبين ، لموا لي حق الكفن)
*وبدل ما انام في القرافة ، هاروح لجنة عدن
لو قلتوا أيه السبب ، هاقول كتير أســـرار.
****
يا بحر صافي ورايق ، مين زعــّلك قــــولي
مين بس عكــــّر ميـــاهك ، وأنت داخـــــللي
اللي عملها وقبض، عــدو، ماهواش خـــلي
لو مدوا حبل السكات ، يبقى ظلام مش نهـار.
***
ياحرير ياهندي ، آه ، فيه مين بيحلم بيـــك
توب الغلابة عبك ، لكن توكــــالهم عليـــك
ما شفنا نصفة قــوية ، من فزعة المماليك
نفسي في يوم نبتسم ، نعلا الفضا بانتصـار.
***
الأرض دي عمرها ، يشبه جمــــالها بسـاط
هواها جاي بحري ، واسمــــــــــها دميـــاط
الكل عرقان في عمله ، لكنـــــما بانبســــاط
أيه ضلم الجو ياأسطى ، وجّ ديارها بنـــار؟
***
مصنع كيماوي جابوه ، للنتروجين يا اصحاب
هيلوث الجـــــو يبقى ، فضانا كله هبــــــــاب
يقتل عصــــافير بلدنا ، والدنيا تبقى خـــراب
مين مستفيد م الكلام ده ، ألحقــــنا ياستـــــــار
***
سموم بتملا صدورنا ، يا صاحبي بالعــــــادم
يمرض صغيرنا وكبيرنا ، شكل الرذاذ هـــادم
لا حد منه هينـــجو : لا افنـــدي ولا هــــــانم
مين يرضى بس بكده ، يدخل بقـــدمه النـار؟!
***
تعبنا م التحـــــذير ، للوزرا في القــــــــــمة
وقلنا خـــــافوا الله ، أرعوا مصــــير أمــة
الصحة تاج ع الرؤوس، ماتخلوهاش ضلمة
كان الجواب هز راس . وده قتل بالإصـــرار.
***
دمياط مهيش بنت جارية ، تســـوّدوا حالهــا
دي ياما جابت رجال ، وعملها راس مـالهــا
حرام تكون الضحـــية ، تقطــّعوا اوصالهـــا
نسيتوا أيه فضـــلها؟ عيشتها صبحت مـــرار
***
وعرفنا إن الشـركة قادرة ، بطــاقتها كنــدية
جاية بسمومها الأكيدة ،لأراضي مصـــــرية
طب جربوا في ( تورنتو) ولادي محـــميــــة
واحنا الغلابة نموت ، لجل ثراء الكــــــبار؟!
***
إن قلتوا دولة فقيرة ، فقرا كتــــــير غيرنا
رفضوا السموم بإرادة ، وهما من حالــــنا
وان كنتوا عايزين مكان روحوا بعيد عـــنا
بلاش غلاسة وغتاتة ، ف نهاية المــــشوار.
** *
أيه اللي هاخده يابـــيه، غير حنــــجرة تالفة
ونن عين ينطــــفي ، والعلما دي عـــــارفة
أشكي لمين بلوتي ، ما برضة دي مخـــالفة
أيه بعد موت الضنا ، أيه بعد هذا الدمــــار؟
***
***
يا بيه ياعــــــالي المقام ، إلحقــــــنا قبل المـــوت
الجرافــات واقفة تنعق ، قافـــــلين علينا البيوت
ولو سكتنا بزيــــادة ، هيعشــــــش العنكبـــــــوت
يعني نسيب البلد ، ليكــــــــــوا ونعمل فـــــــرار؟
***
يرضيكوا اعزل واسيب داري واهيم ف الأرض
يرضيكوا أحمّل عزالي وأداري جرحي واعض
أنا باحــكــّم ضميركوا ، ياريت تجـــــــيبوا الرد
الشعب غضبان ورافض ، وعنيه تطـــق شرار.
***
يا عم يا " مشرفة " ، قوم قولهـــم : ده عــــيب
وللي هيسمم بلدنــــــا ، والله ده إثم رهيـــــــبب
الحجة قوم ردهــــــم : كفـــاية كده تخـــــريب
أصل انتظــــــارنا مذلة ، والصمت أكـــبر عار.
***
فيه ألف مليون طريقة ، لو انتوا عايـــــزين فلـوس
سواعدكوا تزرع صحاري ، أو حتى ربوا جاموس
لكن بلاش الافتــــــرا ، وطريقـــة الهــــــــكسوس
لا الشعب هيثور في غضبة ، وماعندهوش اختيار!
***
دمياط الحزينة في 22/3/2008
دمياط الحزينة في 22/3/2008
ليست هناك تعليقات:
إرسال تعليق